Монголын Хуульчдын холбооны хүсэлтээр АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөр (Commercial Law Development)-ийн дэмжлэгтэйгээр 2024 оны 11 дүгээр сарын 18,19-ний өдрүүдэд “Олон улсын арилжааны арбитр” сэдэвт сертификат олгох сургалтыг зохион байгууллаа.
Сургалтыг Монголын Хуульчдын холбооны Ерөнхийлөгч П.Одгэрэл, Арилжааны эрх зүйн хөгжлийн хөтөлбөрийн зөвлөх хуульч Гришма Прадхан нар нээсэн бөгөөд уг сургалтаар олон улсын арилжааны арбитрын (International commercial arbitration )-ийн үндсэн ойлголт, арбитрын хэлэлцээр, гэрээний бүрэлдэхүүн хэсэг, холбогдох хууль, арбитрын шүүх, арбитрын шийдвэр зэрэг агуулгын хүрээнд дэд сэдэв болгон онолын болон практик асуудлуудыг хөндлөө.
Энэхүү сургалтыг “Rajah & Tann” Сингапурын хуулийн фирмийн Олон улсын арбитрын практикийн Дэд захирал бөгөөд Өмнөд Азийн албаны Дэд Захирал , хуульч Авинаш Прадхан болон мөн тус хуулийн фирмийн Олон улсын арбитрын болон барилгын төслийн практикийн Зөвлөх хуульч Дивеш Менон нар өмгөөлөгч, хуульч нарт мэргэжлийн онцлогтой нь уялдуулан бодит жишээнд тулгуурлан явуулсан бөгөөд, сургалтад хамрагдсан 40 хуульчид гэрчилгээ гардууллаа.
