Хуульчийн эрх зүйн байдлын тухай хуулийн 53 дугаар зүйлийн 53.1 дэх хэсэгт “Хуульчдын холбооны Хуульчийн үргэлжилсэн сургалтын асуудал эрхэлсэн хороо /цаашид "Сургалтын хороо" гэх/ нь Хуульчдын холбооны хороодын төлөөллөөс болон хуульч профессоруудаас бүрдсэн 13 гишүүний бүрэлдэхүүнтэй байна.”, Монголын Хуульчдын холбооны дүрмийн 8.4 дүгээр зүйлийн 2 дахь хэсэгт “Сургалтын хороо нь шүүгч, прокурор, өмгөөлөгчдийн хорооноос тус бүр 2, хуульч профессоруудаас долоон төлөөлөл оролцсон, нийт арван гурван гишүүний бүрэлдэхүүнтэй байна” гэж заасан.

Сургалтын хорооны хуульч профессорын төлөөлөл нэг гишүүн чөлөөлөгдөх хүсэлтээ өгсөн тул уг сул орон тоонд нэрээ дэвшүүлэх, дараах шаардлага хангасан хуульч профессорын хүсэлтийг 2025 оны 02 дугаар сарын 14-ний өдрийн 16:00 цаг хүртэл info@mglbar.mn хаягаар цахим хэлбэрээр эсвэл Хуульчдын холбооны Тамгын газар цаасан хэлбэрээр /Улсын Их Хурлын Парламентын судалгаа, хөгжлийн хүрээлэнгийн байр, 4 давхар 406 тоот /хуучнаар Хууль зүйн үндэсний хүрээлэнгийн байр/-д хүлээн авч байна.

Нэр дэвшигчдэд тавигдах шаардлага:

1. Мэргэжлээрээ 10-аас доошгүй жил ажилласан;
2. Эрх зүйн тодорхой салбараар зургаагаас доошгүй жил мэргэшин ажилласан;
3. Магистр ба түүнээс дээш боловсролын зэрэгтэй байх.

Бүрдүүлэх материал:

1. Төрийн албан хаагчийн анкет болон 2 хувь цээж зураг (4х6);
2. Иргэний үнэмлэхний хуулбар;
3. Мэргэжлээрээ ажилласныг нотлох баримт (Ажлын газрын тодорхойлолт, эсвэл emongolia лавлагаа);
4. Магистр эсхүл түүнээс дээш боловсролын зэргийн дипломын хуулбар.

Нэр дэвшихтэй холбоотой мэдээллийг 70116364-/3/ дугаараас лавлана уу.

ХУУЛЬЧИЙН ҮРГЭЛЖИЛСЭН СУРГАЛТЫН АСУУДАЛ ЭРХЭЛСЭН ХОРОО