Монголын Хуульчдын холбооны Тамгын газраас өнөөдөр орон нутгийн салбарын зохицуулагч нарт зориулсан өглөөний уулзалтыг зохион байгууллаа.

Уулзалтыг Монголын Хуульчдын холбооны Тамгын газрын дарга Ш.Жолбарс нээж үг хэлсэн бөгөөд уулзалтын хүрээнд Хуульчдын холбооны Гадаад харилцааны зөвлөх Ц.Одонжав Азийн 13 дахь про боно чуулга уулзалтыг Монголд зохион байгуулах талаар, Ахлах мэргэжилтэн Ж.Бариаширсүрэн Монголын Хуульчдын холбооноос хэрэгжүүлсэн ажлын талаар, Судалгааны төвийн эрхлэгч Г.Оюунболд сургалт, судалгааны талаар мэдээлэл өгч, санал солилцлоо.

Тус уулзалтад Өвөрхангай аймгийн салбарын зохицуулагч М.Дамбийням, Өмнөговь аймгийн салбарын зохицуулагч Э.Дөлгөөн, Сэлэнгэ аймгийн салбарын зохицуулагч Р.Атарцэцэг, Дархан-Уул аймгийн салбарын зохицуулагч Э.Одончимэг, Хөвсгөл аймгийн салбарын зохицуулагч Н.Бүрэнчимэг, Булган аймгийн салбарын зохицуулагч Ж.Ариунжаргал, Увс аймгийн салбарын зохицуулагч Н.Энхжаргал нар оролцлоо.