Монголын Хуульчдын холбооны Тамгын газрын дарга Ш.Жолбарс өнөөдөр АНУ-ын Элчин сайдын яамны Улс төрийн хэлтсийн захирал Эмма Ломаск, АНУ-ын Холбооны Шүүхийн Дипломат албаны Гадаад харилцааны хэлтсийн захирал Мира Гур-Ари, АНУ-ын Холбооны шүүхийн шүүгч Сюзанна Митчелл нарыг өнөөдөр хүлээн авч уулзлаа.

Уулзалтаар Монголын Хуульчдын холбооны үйл ажиллагааг танилцуулж, зочдын сонирхсон асуултад хариулт өгч, харилцан мэдээлэл солилцсон. Мөн зочдод монголын хуульчдад өөрсдийн мэдлэг, мэдээллээ хуваалцаж сургалт, хэлэлцүүлэгт оролцож байгаад талархал илэрхийллээ. АНУ-ын Холбооны шүүхийн төлөөлөгчдийн зүгээс Монголын Хуульчдын холбоог дэмжиж, хамтран ажиллахаа илэрхийлсэн юм. 

Тус уулзалтад Монголын Хуульчдын холбооны Сургалтын хорооны дарга Б.Өнөрмаа, Шүүгчдийн хорооны Удирдах зөвлөлийн гишүүн Т.Өсөхбаяр, Гадаад харилцааны зөвлөх Ц.Одонжав, АНУ-ын Элчин сайдын яамны Олон нийт, дипломатын албаны Мэргэжлийн солилцоо, төгсөгчдийн зохицуулагч Б.Цэрэндагва, Улс төрийн хэлтсийн туслах М.Номинцэцэг нарын төлөөлөл оролцсон.