УИХ-аас 2013 онд баталсан Мөнгө угаах болон терроризмыг санхүүжүүлэхтэй тэмцэх тухай хуульд 2025 онд хоёр удаа нэмэлт, өөрчлөлт орсон байна.

Үнэт цаасны зах зээлийн тухай хуульд нэмэлт, өөрчлөлт оруулах тухай хууль батлагдсантай холбондуулан 2025 оны 05 дугаар сарын 16-ны өдөр оруулсан нэмэлт, өөрчлөлтөөр хуулийн 4 дүгээр зүйлийн 4.1 дэх хэсгийн 4.1.5 дахь заалтын "мэргэжлийн байгууллага" гэснийг "зохицуулалттай үйл ажиллагаа эрхлэгч этгээд" гэж өөрчилсөн бол Мэдээллийн технологийн үйлдвэрлэлийг дэмжих тухай хууль батлагдсантай холбогдуулан 2025 оны 06 дугаар сарын 05-ны өдөр орсон нэмэлт, өөрчлөлтөөр  харилцагчийг таньж мэдэх, холбогдох арга хэмжээг авахдаа нийтийн мэдээллийн дэд бүтцийг ашиглан таньж, баталгаажуулж болох бөгөөд шаардлагатай тохиолдолд хүн, хуулийн этгээдээс цахим баримт бичгийг гаргуулан авах боломж бүрдүүлсэн байна. Нэмэлт, өөрчлөлтийг дараах холбоосоор орж үзнэ үү.

https://legalinfo.mn/mn/detail?lawId=17140910483581&showType=1

https://legalinfo.mn/mn/detail?lawId=17141128575401&showType=1