Олон Улсын Барын холбооны чуулга уулзалт 2025 оны 11 дүгээр сарын 02-07-ны өдрүүдэд Канад Улсын Торонто хотод зохион байгуулагдана.

Энэхүү чуулга уулзалт нь хууль эрх зүйн салбарын тэргүүлэгч мэргэжилтнүүдийг нэг дор цуглуулж, мэдлэг солилцох, олон улсын хамтын ажиллагааг өргөжүүлэх, салбарын ирээдүйн чиг хандлагыг хэлэлцэх томоохон үйл ажиллагаа юм.

Торонто нь дэлхий дээрх хамгийн олон үндэстэн, соёлын хослол бүхий хотуудын нэг бөгөөд Канадын хамгийн том хот Онтарио мужийн нийслэл юм. Хүн амын тоогоороо Хойд Америкийн дөрөвдүгээрт ордог бөгөөд эдийн засаг, соёл, боловсрол, технологи, бизнесийн чухал төвд тооцогддог нь олон улсын хуульчдын уулзалтыг зохион байгуулах, харилцаа холбоо тогтооход тохиромжтой ажээ.

Тус чуулга уулзалтын хураамж болон дэлгэрэнгүй мэдээллийг авах, бүртгүүлэх бол https://www.ibanet.org/conference-details/CONF2510 холбоосоор нэвтэрнэ үү.

    Монгол Улсын иргэн Канад Улс руу зорчиход заавал виз авах шаардлагатай бөгөөд визийг онлайнаар мэдүүлэх боломжтой. 
Визний өргөдлийг IRCC (Immigration, Refugees and Citizenship Canada)-ийн албан ёсны цахим хуудсаар дамжуулан бөглөнө. Бүх бичиг баримт, төлбөрийг цахимаар илгээнэ.
Монгол Улсад Канадын визний мэдүүлэгийг VFS Global-ээр дамжин авдаг. 
📍 Байршил: DHL House, 1-р давхар, Энхтайваны өргөн чөлөө 10/5, Улаанбаатар – 14210

🕘 Цагийн хуваарь:Даваа–Баасан, 09:00–17:00 

☎️ Холбоо барих:Утас: +976 7678 0924, +976 7000 1228

     Улаанбаатар дахь Канадын Элчин сайдын яам нь визний материалыг хүлээн авдаггүй бөгөөд тус элчин нь зөвхөн мэдээлэл, консулын туслалцаа үзүүлдэг юм. 
Дэлгэрэнгүй мэдээллийн дараах холбоосоор нэвтэрч авна уу. https://visa.vfsglobal.com/mng/mn/can/