Азийн 13 дахь Про боно чуулга уулзалтын хүрээнд “Олон салбарын оролцоотой про боно:Өнгөрсөн, одоо, ирээдүй-Монголын туршлага” сэдэвт хэлэлцүүлэг зохион байгууллаа.

Хэлэлцүүлгийг Монголын Хуульчдын холбооны Тамгын газрын дарга Ш.Жолбарс удирдан явуулсан.

Илтгэгчээр:

• Х.Баасанжаргал – Монгол Улсын Их хурлын гишүүн, хуульч

• Б.Өнөрмаа – Улсын Ерөнхий прокурорын газрын дэргэдэх Сургалт, судалгааны хүрээлэнгийн прокурор, доктор, профессор

Н.Баасанжав-Шүүхийн Ерөнхий зөвлөлийн гишүүн, хуульч

• С.Болормаа – МУИС-ийн Хууль зүйн сургуулийн Клиник сургалтын төвийн захирал, доктор, профессор

• Э.Амархүү – Монголын Хуульчдын холбооны гишүүн хуульч, өмгөөлөгч нар оролцлоо.

Хэлэлцүүлгийн үеэр Монголын хуульчид про боно үйл ажиллагаанд хэрхэн оролцдог, түүний хэрэгжилтэд хууль зүйн боловсрол болон клиник сургалт ямар үүрэгтэй болох, оюутнуудад про боно үйл ажиллагааг хэрэгжүүлэх боломж, тэднийг нэгтгэж олон улсын түвшинд хамтран ажиллах арга зам зэрэг асуудлыг хөндөж ярилцлаа. Мөн Монголын туршлага, дотоодын хэрэгжүүлэлтийн онцлогийг олон улсын хуульчидтай харилцан солилцож, цаашдын хамтын ажиллагааны чиглэлийг тодорхойлов.