Олон улсын Улаан загалмай хороо, Монголын улаан загалмай нийгэмлэг, Нийслэл дэх Захиргааны хэргийн Анхан шатны шүүх, Монголын Хуульчдын холбоо, Монголын өмгөөлөгчдийн холбоо хамтран Олон улсын хүмүүнлэгийн эрх зүйн шүүхийн мэтгэлцээний тэмцээнийг 2025 оны 11 дүгээр сарын 15, 16-ны өдрүүдэд зохион байгуулна.

Шүүхийн мэтгэлцээний тэмцээнд эрх зүйн чиглэлээр суралцаж буй бакалаврын хөтөлбөрийн оюутан, бусад мэргэжлийн бакалавр болон магистрын хөтөлбөрийн оюутнууд оролцох боломжтой.

Нэг баг нь 2 илтгэгч оюутнаас бүрдэх бөгөөд сайн дурын үндсэн дээр судлаач оюутан болон дасгалжуулагчтай байж болно.

Тэмцээн нь Олон улсын эрүүгийн шүүхийн Ромын дүрэм болон олон улсын хүмүүнлэгийн эрх зүйн бусад эх сурвалжийн хүрээнд англи хэлээр явагдана.

Тэмцээний бүртгэлийг 2025 оны 10 дугаар сарын 24-ний өдрийг хүртэл ihl@redcross.mn хаягаар хүлээн авна. Та тэмцээнд бүртгүүлэхээс өмнө тэмцээний дүрэмтэй танилцана уу.

Дэлгэрэнгүй мэдээллийг Олон улсын хүмүүнлэгийн эрх зүй хариуцсан ажилтан О.Манлайбаатар (manlaibaatar.o@redcross.mn; +976 91670011)-тай холбогдож тодруулна уу.

Тэмцээний бодлого, дүрэмтэй, удирдамжтай /resource/mglbar/File/2025/10/13/py7vbhrkr5d8dzn2/IHL Moot Competition TOR.pdf холбоосоор орж танилцана уу.