📅 2026 оны 5-р сарын 11 - 12

📍 Тайланд, Бангкок

Ази, Номхон далайн бүс нутгийн Хуульчдын холбоо (LAWASIA) нь хууль дээдлэх ёс, хүний эрхийг хамгаалах, бүс нутгийн хуульчдын хамтын ажиллагааг хөгжүүлэх зорилготой олон улсын байгууллага юм. Тус холбоо нь олон улсын бага хурал, семинар, сургалт зэргийг тогтмол зохион байгуулдаг бөгөөд Монголын Хуульчдын холбоо 2018 онд Ази, Номхон далайн бүс нутгийн хуульчдын холбооны (The Law Association for Asia and the Pacific) 33 дахь гишүүнээр элссэн бөгөөд тэргүүлэх гишүүн болсноор Монголын хуульчид, хуулийн байгууллагууд бүс нутгийн хуульчид, хуульчдын мэргэжлийн байгууллагуудтай харилцаа холбоо тогтоох, Ази, Номхон далайн бүсийн хуульчдын холбооноос эрхлэн гаргадаг мэргэжлийн сонин, сэтгүүлийг авах, тэдгээрт нийтлэл гаргах, тус холбооноос зохион байгуулж буй семинар, чуулга уулзалтад хөнгөлөлттэй нөхцөлөөр оролцох, илтгэл тавих зэрэг шинэ боломжийг бүрдүүлж чадсан.

Энэ удаагийн Хүний эрхийн VI бага хурлаар хүний эрхэд тулгамдаж буй асуудлуудыг дараах агуулгын хүрээнд 40 гаруй илтгэгч оролцож, 20 орчим салбар хуралдаан, хэлэлцүүлэг зохион байгуулагдах юм. Үүнд:

Хүний эрхэд тулгарч буй сорилтууд: Улс төрийн дарамт, үндсэн эрх, эрх чөлөөнд заналхийлж буй асуудлууд;

Байгаль орчин ба хүний эрх: Уур амьсгалын өөрчлөлт, байгаль орчны доройтол хүний эрхтэй хэрхэн огтлолцож буй асуудал;

ESG буюу Байгаль орчин, Нийгэм, Засаглал: Хүний эрхийг хамгаалах, хариуцлагыг бэхжүүлэхэд ESG-ийн гүйцэтгэх үүрэг;

Тус чуулга уулзалтад Ази, Номхон далайн бүс нутаг болон бусад улс орнуудын хуульч, шүүгч, судлаач нар болон хүний эрхийн чиглэлээр үйл ажиллагаа явуулдаг олон улсын байгууллагууд, хууль, эрх зүйн салбарын мэргэжилтнүүд оролцох юм.

Оролцох хуульчид https://lawasia.asn.au/6th-lawasia-human-rights-conference-2026 холбоосоор нэвтэрч дэлгэрэнгүй мэдээлэлтэй танилцана уу.