Монголын Хуульчдын холбоо нь “Болорсофт” ХХК-тай хамтын ажиллагааны санамж бичиг байгуулж, Монголын Хуульчдын холбооны Тамгын газрын дарга Ш.Жолбарс, “Болорсофт” ХХК-ийн Бизнес хөгжлийн менежер Ч.Мөнхнаран нар гарын үсэг зурж баталгаажууллаа.

Санамж бичгийн хүрээнд Монголын Хуульчдын холбооны гишүүн хуульчид нь “Болорсофт” ХХК-ийн бүтээгдэхүүнүүдийг 2026 оны турш 50 хувь, 2027 оноос 30 хувийн хөнгөлөлттэй үнээр авах эрхтэй болж буй юм.  Түүнчлэн талууд Монгол Улсын хууль зүйн салбарт хэрэглэгддэг тусгай нэр томьёонуудыг тайлбартайгаар, албан ёсоор “Болорсофт”-д нийлүүлэхээр тохиролцлоо.

Энэхүү хамтын ажиллагааны санамж бичиг амжилттай хэрэгжсэнээр хуулийн салбарын мэргэжилтнүүд монгол хэлний боловсруулалт хийх болон цахим технологи ашиглан ажлын бүтээмжээ нэмэгдүүлэх, нийт Монголын хэрэглэгчдэд хууль, эрх зүйн үг хэллэг, нэр томьёоны тухай мэдлэг мэдээллийг цахим технологийн бүтээгдэхүүнээр дамжуулан түгээх зэрэг олон талын ач холбогдолтой билээ.

Хуульчид Та бүхэн 50 хувийн хөнгөлөлттэй үнээр бүтээгдэхүүн худалдан авах бол Монголын Хуульчдын холбооны гишүүн хуульчид мөн болох тодорхойлолтыг www.mglbar.mn цахим хуудаснаас авч, ямар бүтээгдэхүүн, түүний тоо хэмжээний мэдээлэл бүхий хүсэлтээ bayarmaa@bolorsoft.com руу илгээн зааварчилгаа аваарай.

Лавлах утас: 7711-1140

“Болорсофт” ХХК нь хэл шинжлэлийн олон жилийн туршлага дээр суурилж  https://spellcheck.mn/ бичвэрийн алдаа шалгуурыг бүтээжээ. Энэхүү технологи нь Монгол хэлний хүчин төгөлдөр үйлчилж буй бүх дүрмийг агуулдаг бөгөөд 150 орчим сая үүсмэл үгийн багтаамжтай ажээ. Дэлгэрэнгүй мэдээллийг ЭНД дарж үзнэ үү. 

Мөн тус компани нь  хэл шинжлэлийн 10 гаруй жилийн судалгаа, программ хангамжийн 15 гаруй жилийн туршлагад үндэслэн кириллээс Монгол бичигт хөрвүүлэх технологи болох  КИМО-г бүтээжээ. Дэлгэрэнгүй мэдээллийг ЭНД дарж үзнэ үү. 

Худалдаж авах заавар ХАРАХ