Монголын Хуульчдын Холбооны Иргэний эрх зүйн хорооноос хууль зүйн их дээд сургуулийн оюутнуудын дунд эрдэм шинжилгээний илтгэлийн уралдааныг уламжлал болгон жил бүр зохион байгуулдаг. 2023 оны илтгэлийн уралдааныг “Арилжааны хуулийн этгээдийн төрөл, хэлбэр, зохион байгуулалтын тулгамдсан асуудал”  сэдвийн хүрээнд зохион байгууллаа.

Илтгэлийн уралдаанд Монгол Улсын Их Сургуулийн Хууль зүйн сургууль, Дотоод хэргийн их сургууль, Их Засаг Олон Улсын Их Сургуулийн Хууль зүйн сургууль, Шихихутуг их сургуулийн 26 оюутан 17 илтгэл ирүүлэв. Иргэний эрх зүйн хорооны илтгэлийн уралдааныг зохион байгуулах ажлын хэсэг нэгдүгээр шатны сонгон шалгаруулалтыг явуулж, 9 илтгэлийг 2 дугаар шатанд хэлэлцүүлэхээр шийдвэрлэж 2023 оны 04 сарын 21-ний өдөр ХЗҮХ-н Хуульчдын танхимд илтгэлүүдийг хэлэлцүүлж, шилдгүүдийг тодрууллаа. 

Уралдааны шүүгчээр “Өмгөөллийн Монгол Өмгөөлөгч” ХХН-н Зөвлөх үйлчилгээний секторын ахлах өмгөөлөгч Б.Оюу, МХХ-ны Зөвлөлийн гишүүн, Нийслэлийн Иргэний хэргийн давж заалдах шатны шүүхийн шүүгч Э.Энэбиш, Иргэний эрх зүйн хорооны Удирдах зөвлөлийн гишүүн, “Өмгөөллийн Легал Гайд” ХХН-ийн захирал Ч.Отгонбаатар нар ажиллалаа. 

Нэгдүгээр байранд МУИС-н Хууль зүйн сургуулийн V түвшний оюутан М.Амина, Г.Батзундуй нарын “Хязгаарлагдмал хариуцлагатай нөхөрлөлийн гишүүдэд ногдох ашиг хуваарилах болон хөрөнгө хуваарилах зохицуулалтын тулгамдаж буй асуудал” илтгэл,

Хоёрдугаар байранд МУИС-ын хууль зүйн сургуулийн олон улсын эрх зүйн ангийн V түвшний оюутан Б.Ариунзаяагийн “Хөрөнгө оруулалтын төрөлжсөн банкны үндсэн шинж, статус, тэдгээрийн учир холбогдол” илтгэл,

Гуравдугаар байранд МУИС-ийн Хууль зүйн сургуулийн V түвшний оюутан Р.Тэргэлийн “Нөхөрлөлийн гишүүдийн ашиг хуваарилах зохицуулалтын онцлог” илтгэл,

Тусгай байранд ИЗОУИС-ийн ХЗС-ийн 306-р бүлгийн оюутан Б.Ариунзулын “Крипто бирж, түүний хууль эрх зүйн орчинг боловсронгуй болгох нь” сэдэвт илтгэлүүд шалгарлаа. 

Нийт илтгэл ирүүлсэн оюутнуудадаа талархал илэрхийлье.