Монголын хуульчдын холбоо, Улсын Их Хурлын Тамгын газар, Швейцарын хөгжлийн агентлагийн “Монгол Улсад парламентын ардчиллыг бэхжүүлэх нь” дэд төсөл хамтран “Хуулийн төсөл боловсруулагчийн сургалт”-ыг 2023 оны 05 дугаар сарын 24-26-ны өдрийн хооронд зохион байгуулж байна. Тус сургалт нь суралцагчдын хууль зүйн техникийн суурь мэдлэгийг бататгах, хуулийн төсөл боловсруулах арга зүй, ур чадварыг нэмэгдүүлэх, мэргэшүүлэх зорилготой юм. Сургалтыг нээж Монголын Хуульчдын холбооны Ерөнхийлөгч, хууль зүйн ухааны доктор (Ph. D) П.Одгэрэл, Улсын Их Хурлын Ерөнхий нарийн бичгийн дарга, хууль зүйн ухааны доктор (Ph. D) Л.Өлзийсайхан нар үг хэлж, Швейцарын хөгжлийн агентлагийн Хамтын ажиллагааны газрын захирал Стефани Бурри бичлэгээр мэндчилгээ дэвшүүллээ.