I. Удиртгал
II. Хууль хэрэглээний ойлголт ба хууль дээдлэх ёс
III. Хууль хэрэглээний нэгдмэл байх зарчим ба шүүхийн 
практикийн нэгдмэл байдал
IV. Монгол Улсын шүүхийн иргэний хэргийг шүүхэд хянан 
шийдвэрлэх ажиллагаа дахь хууль хэрэглээний нэгдмэл 
зарчмын хэрэгжилт 
V. Дүгнэлт, санал

[ТОВЧ УТГА] 

Монгол Улсын шүүхийн практикт, ялангуяа иргэний хэргийг шүүхэд хянан шийдвэрлэх ажиллагааны явцад хууль хэрэглээний нэгдмэл байдал нь бүрэн хэрэгжихгүй, хүний эрх зөрчигдсөн хэвээр байна. Хууль хэрэглээний нэгдмэл байдал нь шударга ёсны шалгуур, хүний эрхийг хамгаалах арга байхаас гадна шүүхийн гол хүч болох шүүхийн практикийг хөгжүүлэх нэг гол хүчин зүйл нь билээ. Иймд хууль хэрэглээний нэгдмэл байдлыг эрх зүйн шинжлэх ухааны үүднээс тодорхойлох, улмаар Монгол Улсын Шүүхийн иргэний хэргийг шүүхэд хянан шийдвэрлэх ажиллагаа нь дахь хууль хэрэглээний нэгдмэл зарчмын хэрэгжилтэд дүн шинжилгээ хийж, алдаа зөрчлийг арилгах арга замыг тодорхойлох зорилготой эмперик судалгааны түвшинд “Иргэний хэргийг шүүхэд хянан шийдвэрлэх ажиллагаа дахь хууль хэрэглээний нэгдмэл байдалд дүн шинжилгээ хийх нь” сэдэвт судалгааны өгүүллийг бичсэн болно. “Иргэний хэргийг шүүхэд хянан шийдвэрлэх ажиллагаа дахь хууль хэрэглээний нэгдмэл байдалд дүн шинжилгээ хийх нь” сэдэвт өгүүлэл нь хууль хэрэглээний шинжлэх ухааны ойлголт, түүний хэрэглээг сайжруулах, улмаар шүүхийн ажиллагаа шударга ёсны урлаг болон хөгжихөд ач холбогдолтой юм. 

[ТҮЛХҮҮР ҮГС] 

Хуулийн хэрэглээ, хууль хэрэглээний нэгдмэл байх зарчим, хууль ёс, хууль дээдлэх ёс, шүүхийн практикийн нэгдмэл байдал.