Төв аймагт Хуульчийн үргэлжилсэн сургалтыг 2023 оны 06 дугаар сарын 15, 16-ны өдрүүдэд зохион байгууллаа. Сургалтыг нээж Хуульчдын холбооны Ерөнхийлөгч П.Одгэрэл үг хэлж, тус аймгийн хуульчдад сургалтын талаар цаашид баримтлах бодлого, чиг хандлага, Холбооноос хэрэгжүүлж буй үйл ажиллагааны талаар товч мэдээлэл өгөв. Сургалтыг шинээр батлагдсан Хуульчийн үргэлжилсэн сургалтын журамд нийцүүлэн дараах сэдвийн хүрээнд сургагч багш нар хариуцан явуулсан. Үүнд:
- “Иргэний хэрэг шүүхэд хянан шийдвэрлэх ажиллагааны зарчим, онцлог” сэдвээр сургагч багш Т.Наранцогт; - “Захиргааны гэрээ” сэдвээр сургагч багш, Нийслэл дэх Захиргааны хэргийн анхан шатны шүүхийн шүүгч Т.Мөнх-Эрдэнэ; - “Цахим гэмт хэрэг”, “Хүүхэд хамгаалал ба хэрэг хянан шийдвэрлэх ажиллагаа” сэдвээр сургагч багш Г.Оюунболд; - “Шүүх эмнэлгийн шинжилгээ” сэдвээр сургагч багш, АШУ-ны доктор, Хууль зүйн магистр М.Цэрэнбат. Сургалтын төгсгөлд холбооны Ерөнхийлөгч П.Одгэрэл, Тамгын газрын дарга Ш.Жолбарс, Зөвлөлийн гишүүн, Захиргааны эрх зүйн хорооны тэргүүн Т.Мөнх-Эрдэнэ нар хуульчидтай санал, мэдээлэл солилцож хэлэлцүүлэг өрнүүлсэн ба нийт 35 гаруй хуульчид хамрагдлаа.