Залуу хуульч, эрх зүйч, хуулийн сургуулийн оюутнуудыг уур амьсгалын өөрчлөлт, байгаль орчны асуудлыг шийдвэрлэхэд дотоодын болон бүс нутаг, цаашлаад олон улсын түвшинд ажиллах, чадавхжуулах боломжийг олгох хөтөлбөрт хамрагдахыг урьж байна.

Монгол Улс дахь НҮБ-ын Нийгэмлэг болон холбогдох байгууллагуудаас зохион байгуулсан “НҮБ-ын залуу төлөөлөгч – Байгаль орчны манлайлал хөтөлбөр” хоёр дахь жилдээ зарлагдаж байгаа бөгөөд үндсэн 30 оролцогчоос гадна 2022 онд залуу сэтгүүлчдийг энэхүү хөтөлбөрт хамруулж байсан билээ. Тэгвэл 2023 онд Монголын Хуульчдын Холбооны Захиргааны эрх зүйн хороо болон тус хорооны Байгаль орчны эрх зүйн дэд хороотой хамтран залуу хуульч, эрх зүйч, хуулийн сургуулийн оюутнуудыг хүн төрөлхтний суурь асуудал болох уур амьсгалын өөрчлөлт, байгаль орчинд тулгамдаж байгаа хүндрэл, бэрхшээлийг шийдвэрлэхэд оролцоог нь дэмжих зорилгоор хууль зүйн салбарын 10 оролцогчийг нэмэлтээр шалгаруулж, чадавхжуулахаар тус байгууллага хөтөлбөрөө олон нийтэд танилцуулаад байна.

Хуульч, эрх зүйч, хуулийн сургуулийн оюутнууд дундаас шалгарсан 10 оролцогчоос Шилдэг оролцогчийг тодруулж 2024 оны 2 дугаар сарын 26-ны өдрөөс 3 дугаар сарын 01-ний өдөр Кени Улсын нийслэл Найроби хотод зохион байгуулагдах НҮБ-ын Байгаль орчны ассамблейд оролцуулахаар төлөвлөжээ.

Найроби хотод зохион байгуулагдах НҮБ-ын Байгаль орчны ассамблейн талаарх дэлгэрэнгүй мэдээллийг дараах цахим хуудаснаас авна уу.

https://www.informea.org/en/event/unea-6....

Хөтөлбөрийн бүртгэл болон холбогдох бусад мэдээллийг

United Nations Association of Mongolia/НҮБ-ын Нийгэмлэгийн цахим хуудаснаас авна уу. https://www.facebook.com/UNAssociationMGL