Монголын Хуульчдын холбооны 10 жилийн ойн хүрээнд АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөрөөс 2023 оны 09 дүгээр сарын 13, 14-ны өдрүүдэд “Хөрөнгө орууулагч - Улс (Засгийн газар) хоорондын маргааныг шийдвэрлэх нь” арбитрын сертификаттай сургалт зохион байгуулна.

АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөр (Commercial Law Development Program) нь хөгжиж буй улс орны бизнесийн эрх зүйн орчныг боловсронгуй болгох чиглэлээр үйл ажиллагаа явуулдаг бөгөөд тус хөтөлбөр хэрэгжиж буй орны хуульч, судлаач, төрийн албан хаагчдад зориулан арилжааны эрх зүйн чиглэлээр сургалт явуулах, бусад оронд хэрэгжсэн сайн жишгийг танилцуулах, нэвтрүүлэх зэрэг хууль зүйн техник туслалцаа үзүүлдэг.

Сургалтыг Сингапур Улсад үйл ажиллагаа явуулдаг Allen & Gledhill, Rajah & Tann олон улсын хуулийн фирмийн туршлагатай хуульчид явуулах бөгөөд сургалтын материал, орчуулгаар хангагдана.

Cургалтын төгсгөлд сертификат олгох бөгөөд оролцогч нарт цаашид зохион байгуулагдах арилжааны эрх зүйн сургалтуудад хамрагдах давуу талыг бий болгоно.

Хэзээ: 2023 оны 09 дүгээр сарын 13, 14-ны өдөр 09-17 цагийн хооронд

Хаана: Хуульчдын танхим /Хууль зүйн үндэсний хүрээлэнгийн байр, 304 тоот/

Төлбөр: 85,000 /2 багц цаг тооцно/

Худалдааны хөгжлийн банк 499 218 869 /гүйлгээний утга:  овог, нэр, регистрийн дугаар/

Холбоо барих: alimaa@mglbar.mn

ЭНД дарж бүртгүүлнэ үү.

Танхимын багтаамжаас хамааран хүний тоо хязгаартайг анхаарна уу.