Монголын Хуульчдын холбооны хүсэлтээр АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөрийн дэмжлэгтэйгээр 2023 оны 9 дүгээр сарын 13, 14-ний өдрүүдэд “Хөрөнгө оруулагч - Улс (Засгийн газар) хоорондын маргааныг шийдвэрлэх нь” арбитрын сургалтыг амжилттай зохион байгууллаа.
АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөр (Commercial Law Development Program) нь хөгжиж буй улс орны бизнесийн эрх зүйн орчныг боловсронгуй болгох чиглэлээр үйл ажиллагаа явуулдаг бөгөөд тус хөтөлбөр хэрэгжиж буй орны хуульч, судлаач, төрийн албан хаагчдад зориулан арилжааны эрх зүйн чиглэлээр сургалт явуулах, бусад оронд хэрэгжсэн сайн жишгийг танилцуулах, нэвтрүүлэх зэрэг хууль зүйн техник туслалцаа үзүүлдэг юм.
Уг сургалтаар олон улсын хуулийн фирмийн 30 гаруй жилийн туршлагатай мэргэшсэн арбитрч, хуульч Cheong Yee Leong, Francis Xavier нар “Хөрөнгө оруулагч-Улс хоорондын маргааныг шийдвэрлэх нь” үндсэн сэдвийн хүрээнд 50 гаруй хуульчдад сургалт орж, сертификат гардууллаа.
