Монголын Хуульчдын холбооны 10 жилийн ойн хүрээнд Өмгөөллийн нөхөрлөлийн хөгжлийг дэмжих хорооноос санаачлан зохион байгуулсан “Хуулийн фирмүүдийн ирээдүйн чиг хандлага” сэдэвт өглөөний уулзалт 10 дугаар сарын 04-ний өглөө зохион байгуулагдлаа. Тус уулзалтад зочноор Английн Олон Улсын Барын холбооны Хуулийн фирмүүдийн менежментийн зөвлөлийн тэргүүн Stephen Revell оролцож, олон улсын хуулийн фирмүүдийн үйл ажиллагааны онцлог, байгууллагын хүний нөөцийн бодлого, ажиллах орчин, харилцагчтай харилцах арга зүйн талаар болон залуу хуульчид мэргэжлээрээ тогтвортой, амжилттай ажиллахад анхаарах асуудлыг хөндөж, мэдээлэл солилцлоо. 

Мөн Хуульчдын холбооны Өмгөөллийн нөхөрлөлийн хөгжлийг дэмжих хорооны тэргүүн Д.Түвшинтамир тус хорооны хэрэгжүүлж байгаа үйл ажиллагааны талаар танилцуулав. 

Өглөөний уулзалтад Монголын Хуульчдын холбооны ерөнхийлөгч П.Одгэрэл болон өмгөөллийн нөхөрлөлийн төлөөлөл 40 гаруй хуульч, гүйцэтгэх захирлууд оролцлоо. 

МОНГОЛЫН ХУУЛЬЧДЫН ХОЛБОО