Монголын Хуульчдын холбоо болон Шихихутуг их сургууль 2023 оны 11 дүгээр сарын 20-ний өдөр Хамтран ажиллах гэрээ байгууллаа. Хамтран ажиллах гэрээг Монголын Хуульчдын холбооны Ерөнхийлөгч П.Одгэрэл, Шихихутуг их сургуулийн Ректор Д.Оюунцэцэг нар үзэглэж, цаашид хийж хэрэгжүүлэх ажлын төлөвлөгөө, чиглэлийн талаар ярилцлаа.

Хамтран ажиллах гэрээний хүрээнд хууль, эрх зүйн боловсрол судлалыг хөгжүүлэх, хуульчдыг мэргэшүүлэх сургалт, төсөл хөтөлбөр хийх, харьцуулсан эрх зүйн болон бусад судалгаа хийх, хэлэлцүүлэг, эрдэм шинжилгээний хурал, мэтгэлцээн зохион байгуулах, оюутнуудыг дадлагажуулах зэрэг асуудлаар хамтын ажиллагааг хөгжүүлж ажиллахаар болов.

Тус уулзалтад Монголын Хуульчдын холбооны Хууль зүйн шинжлэх ухаан, боловсролын хөгжлийг дэмжих хорооны дарга Ц.Мөнхбат, Зөвлөлийн гишүүн В.Удвал, Тамгын газрын дарга Ш.Жолбарс, судлаач Г.Оюунболд нар оролцлоо.