Монголын Хуульчдын холбооны Нотариатчдын хөгжлийг дэмжих хорооноос санаачлан Монголын Хуульчдын холбооны Шүүгчдийн хороо, Шүүхийн шийдвэр гүйцэтгэх ерөнхий газар, Өмгөөллийн Легал Полиси ХХК хамтран 2023 оны 11 сарын 24-ний өдөр “Нотариатын мэдэгдэх хуудас шүүхийн шийдвэр гүйцэтгэх үндэслэл болох нь” сэдэвт хэлэлцүүлгийг Хууль зүйн үндэсний хүрээлэнгийн Хуульчдын танхимд амжилттай зохион байгууллаа.

Хэлэлцүүлгийг Монголын Хуульчдын холбооны Ерөнхийлөгч, Хууль зүйн ухааны доктор, профессор П.Одгэрэл нээж үг хэлэв. Нотариатчдын хөгжлийг дэмжих хорооны тэргүүн, Монголын Нотариатчдын танхимын Ерөнхийлөгч,  Хууль зүйн ухааны доктор Ч.Баянжаргал “Нотариатын мэдэгдэх хуудас бичих онол практикийн асуудал”,  Монголын Хуульчдын холбооны Зөвлөлийн гишүүн, Өмгөөллийн Легал Полиси ХХК-ийн гүйцэтгэх захирал Б.Даваажанцан “Төлбөр барагдуулах ажиллагаанд нотариатын мэдэгдэх хуудсыг хэрэглэх нь”, Хан-Уул дүүргийн Иргэний хэргийн анхан шатны шүүхийн шүүгч Ц.Оюунбилэг “Нотариатын мэдэгдэх хуудсыг шүүхээр баталгаажуулах нь”, Нийслэлийн шүүхийн шийдвэр гүйцэтгэх газрын дэд дарга дэд хурандаа С.Бямбарагчаа “Нотариатын мэдэгдэх хуудас шүүхийн шийдвэр гүйцэтгэх ажиллагаа явуулах үндэслэл болох нь” сэдвүүдээр тус тус илтгэл хэлэлцүүллээ. Хэлэлцүүлгийн чиглүүлэгчээр Монголын Хуульчдын холбооны Зөвлөлийн гишүүн, Өмгөөллийн Легал Полиси ХХК-ийн дэд захирал С.Эрдэнэсувд оролцлоо. Хэлэлцүүлэгт оролцсон Монголын Хуульчдын холбооны гишүүн хуульчид нотариатын мэдэгдэх хуудас шүүхийн шийдвэр гүйцэтгэх үндэслэл болох талаар өөрсдийн санал, хүсэлтийг солилцлоо. Хэлэлцүүлэгт оролцсон илтгэгчдэд болон хуульчдад ажлын амжилт хүсье.