Монголын Хуульчдын холбоо нь Хуульчийн эрх зүйн байдлын тухай хуулиар хүлээсэн үндсэн чиг үүргийнхээ хүрээнд гишүүн хуульчиддаа зориулж хуульчийн үргэлжилсэн сургалтын агуулга, чанар, хүртээмжийг сайжруулах зорилгоор үндсэн лекцүүдийг цувралаар бэлтгэж видео хэлбэрээр хуульчдад түгээж байна. Энэ хүрээнд “Үндсэн эрхийн маргааныг Үндсэн хуулийн шүүхээр шийдвэрлэх”, “Захиргааны хэргийн шүүхэд гаргах нэхэмжлэлийн төрөл, тэдгээрт тавигдах шаардлага”, “Эрх зүйг гуйвуулах буюу хуулийг гажуудуулах гэмт хэргийн тухай ойлголт, эрүүгийн эрх зүй дэх зохицуулалт” сэдэвт үндсэн лекц, видео контент бэлтгэх мэргэжлийн байгууллагыг сонгон шалгаруулж гэрээ байгуулна. Иймд дүрс бичлэг хийх мэргэжлийн байгууллагууд танилцуулга, ажлын туршлага, үнийн саналаа 2023 оны 11 дүгээр сарын 27-ны өдрийн дотор Монголын Хуульчдын холбооны Тамгын газрын 402 тоотод ирүүлнэ үү. Утас: 70116364 /6/

ТАМГЫН ГАЗАР