Монгол Улсад Захиргааны хэргийн шүүх байгуулагдсаны 20 жилийн ойд зориулсан “MOCK TRIAL-ЗХШ 20 ЖИЛ” шүүхийн мэтгэлцээний тэмцээний хоёрдугаар техникийн зөвлөгөөнийг 2024 оны 03 дугаар сарын 06-ны өдөр зохион байгууллаа.
Тус мэтгэлцээний тэмцээнд оролцох хүсэл зоригоо илэрхийлсэн 14 хууль зүйн их, дээд сургуулийн 75 оюутан оролцохоор мэдүүлгээ ирүүлсэн. Тэмцээнийг зохион байгуулах ажлын хэсгээс 2024 оны 02 дугаар сарын 23-ны өдөр удирдамжид заасан журмын дагуу санамсаргүй сонголтын аргаар оюутнуудыг 16 багт хуваасан.
Тэгвэл өнөөдрийн хоёрдугаар техникийн зөвлөгөөнөөр хамтран зохион байгуулагч 16 хуулийн фирмийн багуудын оноолтыг сугалааны журмаар хийлээ. Хуулийн фирмүүдийн оноолт сугалах дарааллыг мөн санамсаргүй сонголтын аргаар буюу цахим хүрд эргүүлэн тогтоов.
Хоёрдугаар техникийн зөвлөгөөнд дасгалжуулагч хуулийн фирмүүд болон оюутнуудын төлөөллийн хамт Улсын дээд шүүхийн шүүгч, доктор Ц.Цогт, Захиргааны эрх зүйн хорооны тэргүүн, шүүгч Т.Мөнх-Эрдэнэ, Монголын хуульчдын холбооны Зөвлөлийн гишүүн, өмгөөлөгч Ч.Отгонбаатар, Монголын хуульчдын холбооны Тамгын газрын дарга Ш.Жолбарс нар оролцлоо. Багуудын оноолттой доорх хүснэгтээс танилцана уу.
Монгол Улсад Захиргааны хэргийн шүүх байгуулагдсаны 20 жилийн ойд зориулсан “MOCK TRIAL-ЗХШ 20 ЖИЛ” шүүхийн мэтгэлцээний тэмцээнд оролцогч оюутнууд болон тэднийг дасгалжуулах хуулийн фирмүүддээ амжилт хүсье!
Оролцогч сургуулиуд:
Хамтран зохион байгуулагчид:
Тэмцээний оноолт:
