Монголын Хуульчдын холбооны Ерөнхийлөгч П.Одгэрэл БНСУ-ын хууль зүйн судалгааны хүрээлэнгийн Ерөнхийлөгч Хан Ён Сүгийн урилгаар тус байгууллагад зочилж, “Захиргааны ерөнхий хуулийн бусад хуульд үзүүлэх нөлөө: Монгол Улсын жишээ” сэдвээр 2024 оны наймдугаар сарын 19-ний өдөр тусгай лекц уншлаа.

    Тэрбээр лекцээрээ Монгол Улсын хууль эрх зүйн тогтолцоонд тулгамдаж буй асуудал, шийдвэрлэх арга зам, Захиргааны ерөнхий хуулийн бүтэц, Татварын ерөнхий хуулийн талаар дэлгэрэнгүй мэдээлэл өгсөн бөгөөд Захиргааны ерөнхий хууль бусад хуулиудад ихээхэн нөлөөтэй тул нэгдсэн тогтолцоог бүрдүүлэх нь чухал гэдгийг онцолсон.

   Сонирхуулахад, тус байгууллага нь БНСУ-д хууль зүйн чиглэлээр мэргэшсэн, засгийн газрын санхүүжилттэй судалгааны хүрээлэн бөгөөд дэлхийн бусад улсын хууль эрх зүйн асуудлыг хэлэлцэх зорилгоор гадаад мэргэжилтэн, доктор, профессоруудыг урьж хууль тогтоомжийн мэдээллийг системтэйгээр цуглуулах, хууль эрх зүйн болон хууль тогтоомжийн асуудлаар өргөн мэдлэгтэй судалгаа хийх, үндэсний хууль тогтоох бодлогыг дэмжих зэрэг үйл ажиллагаа явуулдаг.

     БНСУ-ын Хууль зүйн судалгааны хүрээлэнгийн цахим хуудас дахь мэдээллийг ЭНД дарж үзнэ үү.