Монголын Хуульчдын холбооны Хуульчдын эрх, хууль ёсны ашиг сонирхлыг хамгаалах хорооноос хууль зүйн их, дээд сургуулийн оюутнуудын дунд “Хуульчдын нийгэмд гүйцэтгэх үүрэг, оролцоо” сэдэвт илтгэлийн уралдааныг хоёр үе шаттайгаар зохион байгууллаа. Илтгэлийн уралдааны эхний шатны шалгаруулалтыг 2025 оны 06 дугаар сарын 06-ны өдөр, эцсийн шатны шалгаруулалтыг 2025 оны 06 дугаар сарын 09-ний өдөр зохион байгуулж, шилдгүүдийг тодрууллаа. 

Илтгэлийн уралдааны тэргүүн байранд МУИС-ийн Хууль зүйн сургуулийн оюутан Б.Бямбажаргал, дэд байранд МУИС-ийн Хууль зүйн сургуулийн оюутан Б.Оюунтунгалаг, гуравдугаар байранд МУИС-ийн Хууль зүйн сургуулийн оюутан М.Баяржаргал, Б. Аззаяа, тусгай байранд МУИС-ийн Хууль зүйн сургуулийн оюутан Б.Өсөхбаяр, Б.Мөнхцэцэг нар тус тус шалгарлаа.

Тус тэмцээний шүүгчээр Хуульчдын эрх, хууль ёсны ашиг сонирхлыг хамгаалах хорооны дарга Ш.Алтангадас, гишүүн Ш.Нарантуяа, Ц.Мөнхбат, Ц.Амарсанаа, П.Эрхэмбаяр нар ажиллалаа. 

Илтгэлийн уралдаанд идэвхтэй оролцсон оюутнууддаа цаашдын сурлага, хөдөлмөрт нь өндөр амжилт хүсье.