Монголын Хуульчдын холбооны Зөвлөлийн гишүүн М.Мөнхбат, Тамгын газрын дарга Ш.Жолбарс нар ӨМӨЗО-ны Ордос хотын Хуульчдын холбооны Ерөнхийлөгч Банарису тэргүүтэй төлөөлөгчдийг өнөөдөр өдөр хүлээн авч уулзлаа.

Уулзалтаар хоёр байгууллагын үйл ажиллагаа, чиг үүргийн талаар танилцуулж, цаашдын хамтын ажиллагааны талаар санал солилцсон. Мөн уулзалтын үеэр энэ оны 10 дугаар сард зохион байгуулах Азийн 13 дахь про боно чуулга уулзалтын талаар мэдээлэл өгсөн бөгөөд Ордос хотын Хуульчдын холбооноос хамтран ажиллахаа илэрхийллээ.

Энэхүү уулзалтад Монголын Хуульчдын холбооны Гадаад харилцаа, хамтын ажиллагааны зөвлөх Ц.Одонжав, Ордос хотын Хуульчдын холбооны Дэд Ерөнхийлөгч Ли Ёнжин, Байнгын хорооны дарга Ли Вэнбин, Гадаад харилцааны дарга Мориген болон холбогдох мэргэжилтнүүд оролцлоо.

Сонирхуулахад, ӨМӨЗО-ны Ордос хотын Хуульчдын холбоо нь 2002 оны 12 дугаар сарын 27-ны өдөр байгуулагдаж, хуульчдыг хуулийн дагуу үйл ажиллагаа явуулах баталгаагаар хангах, тэдний хууль ёсны эрх ашгийг хамгаалах, туршлага солилцох, сургалт зохион байгуулах, мэргэжлийн ёс зүй, үйл ажиллагааны сахилга хариуцлагын талаар боловсрол олгох, хяналт тавих, хуульчийн мэргэжлийн үйл ажиллагаанаас үүссэн маргааныг шийдвэрлэх зэрэг чиг үүргийг хэрэгжүүлдэг байна. Одоогоор Ордос хотод нийт 103 хуулийн фирм үйл ажиллагаа явуулж байгаагаас Ордос хотын Хуульчдын холбоонд шууд харьяалагддаг 27 хуулийн фирм, гацаа, хошуудад үйл ажиллагаа явуулдаг 74 хуулийн фирм байдаг байна. Нийт 2011 хуульч бүртгэлтэйгээс 1307 нь иргэний хэргийн өмгөөлөгч, 15 нь орон тооны бус хуульч, 36 нь хууль зүйн туслалцаа үзүүлэх хуульч, 47 нь байгууллагын хуульч, 606 нь төрийн байгууллагын хуульч ажээ.