Монголын Хуульчдын холбооны Эвлэрүүлэн зуучлалыг дэмжих хорооноос “Эвлэрүүлэн зуучлалын Олон Улсын туршлага” сэдэвт өглөөний уулзалтыг 2025 оны есдүгээр сарын 26-ны өдөр Хуульчдын ордонд зохион байгууллаа.

Уулзалтыг Монголын Хуульчдын холбооны Эвлэрүүлэн зуучлалыг дэмжих хорооны тэргүүн Д.Түмэнжаргал нээж үг хэлсэн бөгөөд тус үйл ажиллагааны зочин илтгэгчээр Монголын Хуульчдын холбооны гишүүн хуульч, Лондон дахь Маргааныг үр дүнтэй шийдвэрлэх төвийн мэргэшсэн эвлэрүүлэгч, Лондон дахь Итгэмжлэгдсэн арбитрчдын институтийн эрдэмтэн гишүүн, өмгөөлөгч Ц.Санжаалхам, Монголын Хуульчдын холбооны гишүүн хуульч, Олон Улсын Хуульчдын холбооны гишүүн, Гадаад худалдааны маргаанаас урьдчилан сэргийлэх ба шийдвэрлэх Олон улсын байгууллагын хяналтын зөвлөлийн гишүүн, Олон Улсын арбитрч, өмгөөлөгч С.Уянгаа, Монголын Хуульчдын холбооны ахлах мэргэжилтэн, хуульч, судлаач Ж.Бариаширсүрэн нар оролцлоо.

Илтгэгчид Англи, Хятад, Унгар улс дахь эвлэрүүлэн зуучлах үйл ажиллагааны онцлог, хууль эрх зүйн зохицуулалтын талаар өөрсдийн судалгаа, мэргэшлийн хүрээнд мэдээлэл өгч, оролцогчдын сонирхсон асуултад харилт өгсөн.

Өнөөдрийн үйл ажиллагаанд үнэт цаг заваа зориулан илтгэл хэлэлцүүлсэн зочин итгэгчдэдээ болон хүрэлцэн ирж, идэвхтэй оролцсон нийт хуульчдадаа талархал илэрхийлье.