Монголын Хуульчдын холбооны Зөвлөлөөс Хуульчдын ээлжит зургадугаар Их хурлыг 2025 оны арванхоёрдугаар сарын 06-ны өдөр хуралдуулахаар товлолоо.

   Тус Их хурлаар дараах асуудлыг хэлэлцэн шийдвэрлэхээр батлав. Үүнд:

1.   “Хууль зүйн салбарын хөгжилд хуульчдын оролцоо” илтгэл;

2.   Хуульчдын холбооны Зөвлөлийн 2023-2025 оны тайлан;

3.   Монголын Хуульчдын холбооны 2023-2025 оны үйл ажиллагааны тайлан;

4.   Хуульчдын холбооны дүрэмд нэмэлт, өөрчлөлт оруулах;

5.   Зочин илтгэл;

6.   Хуульчдын холбооны гишүүний татварын хэмжээнд өөрчлөлт оруулах;

7.   Монголын Хуульчдын холбооны Ерөнхийлөгчийн цалингийн хэмжээг шинэчлэн тогтоох;

8.   Хуульчдын холбооны Зөвлөлийн гишүүдийг батламжлах, чөлөөлөх;

9.   Хуульчдын холбооны 2026-2027 онд баримтлах чиглэл, стратеги төлөвлөлтийн талаар ээлжит VI Их хурлын төлөөлөгчдийн санал, хүсэлтийг сонсох;

10. Монголын Хуульчдын холбооны Ерөнхийлөгчийг чөлөөлөх, сонгох.

    Хуульчийн эрх зүйн байдлын тухай хуульд Хуульчдын Их хурлын төлөөлөгчдийн тоог Их хурлын товыг нийтэд зарласан өдөр Монголын Хуульчдын холбооны нэгдсэн бүртгэлд бүртгэлтэй байсан нийт гишүүдийн 10 хувьтай тэнцүү байхаар заасан. Мөн Их хурлын төлөөлөгчдийн тоог сонгуулийн нэгдсэн дүн гарсны дараа шүүгч, прокурор, өмгөөлөгч, нотариатч, бусад хуульчдын төлөөлөл тус бүр 20 хувь байхаар хувь, хэмжээг харгалзан тогтоохоор зохицуулсан.

   Их хурлын төлөөлөгчид нэр дэвшүүлэх ажиллагааг 2025 оны арваннэгдүгээр сарын сарын 21-24-ний өдрүүдэд, нэр дэвшигчдэд санал өгөх ажиллагааг арваннэгдүгээр сарын 25-27-ны өдрүүдэд www.mglbar.mn цахим хуудсаар явуулна.

  Хуульч Та сонгох, сонгогдох эрхээ хэрэгжүүлж, Хуульчдын Их хуралдаа идэвхтэй оролцоно уу.

      Холбоо барих утас: 7011-6364, 7011-6007

МОНГОЛЫН ХУУЛЬЧДЫН ХОЛБОО