Монголын Хуульчдын холбооны Тамгын газрын дарга Ш.Жолбарс, Гадаад харилцааны зөвлөх Ц.Одонжав нар өчигдөр АНУ-аас Монгол Улсад суугаа Элчин сайдын яамны ажилтан М.Номинцэцэг, Б.Цэрэндагва нартай уулзаж санал солилцлоо.
Уулзалтаар Монголын Хуульчдын холбоо нь АНУ-ын Засгийн газраас хэрэгжүүлдэг олон улсын боловсрол, соёлын солилцооны нэр хүндтэй Фулбрайтын тэтгэлэгт хөтөлбөрт дахин хамрагдах хүсэлтээ илэрхийлж, энэ удаагийн хөтөлбөрөөр AI-ыг хуульчдын хэрэглээний түвшинд нэвтрүүлэх төслийг хэрэгжүүлэхийг зорьж буйгаа уламжилсан юм. Мөн хуульчдыг чадавхжуулах хүрээнд АНУ-д зочилж, туршлага солилцох боломжоор хангах чиглэлээр хамтран ажиллахаар ярилцлаа.
Монголын Хуульчдын холбоо нь “Фулбрайтын мэргэжилтний хөтөлбөр”-ийн тэтгэлгээр хуульчийн шалгалтын тестийг шинэчлэх төслийг хэрэгжүүлсний зэрэгцээ өнгөрсөн жил кибер аюулгүй байдлын сургалтыг амжилттай зохион байгуулсан байдаг.
