Монголын Хуульчдын холбоо нь нийгмийн хариуцлагын хүрээнд жил бүрийн 05 дугаар сарын 01-ний өдрийг “Хуульчийн про боно өдөр” (хуульчийн нийтэд тустай мэргэжлийн үйл ажиллагааг сурталчлан таниулах, хууль эрх зүйн зөвлөгөө үнэ төлбөргүй өгөх өдөр) болгон зарлаж, 2019 оноос уламжлал болгон тэмдэглэж ирсэн.

Энэхүү үйл ажиллагааны хүрээнд 2022 оноос эхлэн Нийслэл болон 21 аймгийн Ерөнхий боловсролын 250 гаруй сургуулийн 22,000 орчим сурагчдад гэмт хэрэг, зөрчлөөс урьдчилан сэргийлэх чиглэлийн сургалт зохион байгуулаад байна.

Энэ жилийн “Хуульчийн про боно өдөр-2026” үйл ажиллагааг угтаж “Хүндлэлээр нөхөрлөе” сэдвийн хүрээнд үе тэнгийн ялгаварлан гадуурхалт, дээрэлхэлтийн талаарх сургалтыг зохион байгуулахаар төлөвлөсөн бөгөөд Хуульч Таныг тус сургалтад сургагч багшаар оролцож, хуульчийн нийтэд тустай үйл ажиллагаанд нэгдэхийг уриалж байна.

Бүртгэл: 2026 оны 04 дүгээр сарын 20-ны өдөр хүртэл явагдана.

Бүртгүүлэх линк: https://forms.gle/h4sfdbDerd1tRQUt9

*Сургалтын хөтөлбөр болон танилцуулгыг Монголын Хуульчдын холбооноос бэлтгэн өгч, цахимаар чиглүүлэх сургалт зохион байгуулах болно.