Захиргааны эрх зүйн хорооны Удирдах зөвлөлийн ээлжит бус хурал 2026 оны 04 дүгээр сарын 24-ний өдөр боллоо.
2026 он гарснаас хойш Захиргааны эрх зүйн хорооны Удирдах зөвлөлийн зарим гишүүдийн бүрэн эрхийн хугацаа дуусгавар болсонтой холбогдуулан хэд хэдэн удаа цахим сонгууль явуулж, тус сонгуулиудын үр дүнгээр шүүгч С.Оюунгэрэл, Ч.Мөнхболор, Г.Урангуа, Б.Анхбаяр, өмгөөлөгч С.Халиунаа, Б.Энхчимэг, Т.Батсүмбэр-Уул нар олонхын санал авч сонгогдсоныг өмнөх хурлуудаар батламжилсан бол өнөөдрийн хурлаар өмгөөлөгч Л.Энхтайваныг батламжилснаар тус хорооны Удирдах зөвлөлийн бүрэлдэхүүн шинэчлэгдлээ.
Мөн өнөөдрийн хурлаар Захиргааны ерөнхий хууль, Захиргааны хэрэг шүүхэд хянан шийдвэрлэх тухай хууль практикт хэрэгжсэний 10 жилийн ой 2026 оны 07 дугаар сарын 01-ний өдөр тохиохтой холбогдуулан 2026 оны 06 дугаар сарын 25-ны өдөр Захиргааны эрх зүйн хорооны Бүх гишүүдийн өдөрлөгийг “Захиргааны ерөнхий хууль, Захиргааны хэрэг шүүхэд хянан шийдвэрлэх тухай хууль 10 жил: Үр дүн ба хэтийн чиг хандлага” сэдвийн доор “Хуульчдын өдөрлөг” болгон өргөтгөн тэмдэглэхээр тогтлоо.
ЗАХИРГААНЫ ЭРХ ЗҮЙН ХОРОО
