Захиргааны эрх зүйн хорооны Удирдах зөвлөлийн ээлжит бус хурал 2026 оны 05 дугаар сарын 07-ны өдөр боллоо.

Хурлаар Захиргааны ерөнхий хууль, Захиргааны хэрэг шүүхэд хянан шийдвэрлэх тухай хууль практикт хэрэгжсэний 10 жилийн ойн хүрээнд тус хорооноос 2026 оны 06 дугаар сарын 25-ны өдөр зохион байгуулах “Захиргааны ерөнхий хууль, Захиргааны хэрэг шүүхэд хянан шийдвэрлэх тухай хууль 10 жил: Үр дүн ба хэтийн чиг хандлага” хуульчдын симпозиумын хөтөлбөр, төлөвлөгөөний саналуудыг хэлэлцэн шийдвэрлэлээ.

Хуралд Монголын Хуульчдын холбооны Тамгын газрын дарга Ш.Жолбарс, Өмгөөллийн нөхөрлөлүүдийг дэмжих хорооны Тэргүүн, өмгөөлөгч Д.Түвшинтамир, Удирдах зөвлөлийн гишүүн, өмгөөлөгч Б.Батцэнгэл нар оролцож, тус үйл ажиллагааг бүрэн дэмжиж хамтран ажиллахаа илэрхийллээ.

ЗАХИРГААНЫ ЭРХ ЗҮЙН ХОРОО