Монголын Хуульчдын холбооны Эвлэрүүлэн зуучлалыг дэмжих хорооны Удирдах зөвлөл 2026 оны 07 дугаар сарын 03-ны өдөр хуралдлаа.

Хурлаар Монголын Хуульчдын холбооны Эвлэрүүлэн зуучлалыг дэмжих хороо ирэх сард Сингапурт хийх айлчлалын талаар мэдээлэл өгч, хөтөлбөр болон холбогдох мэдээллийг хэлэлцлээ. Тодруулбал, Монголын Хуульчдын холбоо нь Сингапурын Хуульчдын холбоо(Law Society of Singapore)-той 2026 оны наймдугаар сарын 26-нд,  Сингапурт төвтэй, олон улсын хэмжээнд хүлээн зөвшөөрөгдсөн эвлэрүүлэн зуучлах боловсрол, сургалт болон зөвлөх үйлчилгээ үзүүлдэг тэргүүлэх байгууллага болох "SAGE" Эвлэрүүлэн зуучлалын хүрээлэнтэй 2026 оны наймдугаар сарын 25-нд санамж бичиг байгуулах төлөвлөөд байгаа билээ.

Мөн тус хурлаар хорооны идэвхтэй гишүүдийг шагнаж урамшуулах асуудлыг хэлэлцсэний зэрэгцээ Удирдах зөвлөлийн гишүүдийг хуралдаа хүндэтгэн үзэх шалтгаангүйгээр оролцохгүй байх нь гишүүнээс эгүүлэн татах үндэслэл болох талаар сануулсан юм.