Хуульчийн эрх зүйн байдлын тухай хуулийн 19 дүгээр зүйлийн 19.1-д “Хуульчийн шалгалтад тэнцэж, батламж авсан этгээд батламж авсан өдрөөс хойш 90 хоногийн дотор Хуульчдын холбоонд гишүүнээр элсэх өргөдөл гаргана” гэж заасан. Үүний дагуу 2022 оны Хуульчийн мэргэжлийн шалгалтад тэнцсэн эрх зүйчдийн гишүүнээр элсэх хүсэлтийг 2022 оны 09 дүгээр сарын 16 өдрөөс эхлэн Хууль Зүйн үндэсний хүрээлэнгийн 4 давхар 406 тоотод бүртгэл хариуцсан мэргэжилтнүүд хүлээн авч байна. Орон нутгийн иргэд шуудангаар ирүүлэх боломжтой.

Бүрдүүлэх баримт бичиг:

• Гишүүнээр элсэх өргөдөл /энд дарж татах/-ийг бөглөх;
• Хуульчдын нэгдсэн бүртгэлд бүртгэх анкет /энд дарж татах/, хавсралт /энд дарж татах/-ыг бөглөх;
• Иргэний үнэмлэхний хуулбар;
• E-Mongolia.mn сайтаас Дээд боловсролын сургалтын байгууллагын дипломын тодорхойлолт;
• Хуульчийн мэргэжлийн шалгалтад тэнцсэн батламж;
• Хуульчийн мэргэжлийн үйл ажиллагаа эрхлэхэд харшлах өвчин, сэтгэцийн эмгэггүйг нотолсон эрүүл мэндийн тодорхойлолт /Сэтгэцийн эрүүл мэндийн үндэсний төвийн магадлагаа, аймгийн Эрүүл мэндийн нэгдлийн Сэтгэц, наркологийн кабинетын магадалгаа/
• Эрх зүйн бакалаврын болон түүнээс дээш боловсролын зэргийн дипломын хуулбар;
• Хуульчдын холбоонд гишүүнээр элсэх хураамж төлсөн баримт; /Хураамж-150.000 (нэг зуун тавин мянга) төгрөг/-ийг Хуульчдын холбооны Голомт банкны 110 508 3257 тоот дансанд тушаана.

Дэлгэрэнгүй мэдээллийг Хуульчдын холбооны Нэгдсэн бүртгэлийн 7011-6008 дугаарт залган лавлана уу.

МОНГОЛЫН ХУУЛЬЧДЫН ХОЛБООНЫ ТАМГЫН ГАЗАР