Монголын Оюуны Өмч Хамгаалах Холбооноос санаачлан, Монголын Хуульчдын холбоо, Монголын Өмгөөлөгчдийн Холбоо хамтран “Зохиогчийн эрхийг хамгаалах эрх зүйн боломж” сэдэвт уулзалт, хэлэлцүүлгийг 2022 оны 10 дугаар сарын 04-ний өдөр зохион байгууллаа.
Үйл ажиллагааг нээж Монголын Оюуны Өмч Хамгаалах Холбооны Удирдах зөвлөлийн гишүүн, “ДДэш ТВ” ХХК-ийн Бизнес хөгжил, борлуулалт хариуцсан дэд захирал Ц.Пүрэвдорж, Монголын Хуульчдын холбооны ерөнхийлөгч Б.Өнөмөнх, Монголын Өмгөөлөгчдийн Холбооны ерөнхийлөгч Б.Оюу-Эрдэнэ нар үг хэлэв.
Уулзалт хэлэлцүүлгээр “Өргөн нэвтрүүлгийн салбар дахь зохиогчийн эрхийн асуудал” сэдвээр МОӨХХ-ны Гүйцэтгэх захирал У.Тамир, “Аажим аажмаар хөгжиж буй зохиогчийн эрх” сэдвээр Монголын Хуульчдын холбооны Оюуны өмчийн эрх зүйн дэд хорооны тэргүүн, хуульч, Өмгөөллийн “Сувд Партнерс” ХХН-ийн захирал Э.Болорчулуун нар илтгэл хэлэлцүүлээ.
