Ханнс-Зайделийн сангийн Тэргүүн Феликс Гленк Хуульчдын холбооны Ерөнхийлөгч П.Одгэрэлийг хүлээн авч уулзлаа. Уулзалтад Эрх зүйн боловсролынн төслийн менежер С.Бүжинлхам, Төслийн зохицуулагч С.Мөнхжаргал нар болон Хуульчдын холбооны Тамгын газрын дарга Ш.Жолбарс, мэргэжилтэн Б.Уранзаяа нар оролцов.

       Монголын Хуульчдын холбоо нь анх байгуулагдсан цагаасаа хойш Ханнс-Зайделийн сантай хамтран ажилласаар ирсэн бөгөөд талууд 2014, 2018 онуудад Хамтын ажиллагааны санамж бичиг үзэглэж байжээ. 2023 оны хувьд Хуульчдын холбоо нь шинэ удирдлага, бүтэц бүрэлдэхүүнтэйгээр үйл ажиллагаагаа эхлүүлж, энэ онд хийж хэрэгжүүлэхээр төлөвлөсөн ажлаа Ханнс-Зайделийн санд танилцуулав.

        Сангийн зүгээс энэ ондоо багтаан ХБНГУ-аас эрдэмтэн, судлаачдыг урьж авчран Холбооны гишүүн хуульчдад зориулан нэн шаардлагатай сэдвээр сургалт, семинар зохион байгуулах бүрэн боломжтой гэдгээ илэрхийлэв. 

          Цаашид Иргэн, Эрүү, Захиргааны эрх зүйн чиглэлээр хоёр байгууллага нарийвчилсан төлөвлөгөө гаргаж хамтран ажиллахар болов.