Монголын Хуульчдын холбооны Ерөнхийлөгч П.Одгэрэл Азийн сангийн Монгол дахь суурин төлөөлөгч Марк Кейнигийг хүлээн авч уулзлаа.

        Уулзалтаар Азийн сантай хамтран хэрэгжүүлж буй “Залуу хуульчдыг чадавхжуулах замаар Монгол Улсын шүүх эрх мэдлийн тогтолцоог бэхжүүлэх нь” төслийн үйл ажиллагааны явц, цаашид хэрэгжүүлэх арга хэмжээний тухай болон Ерөнхийлөгч П.Одгэрэл өөрийн мөрийн хөтөлбөрт хийхээр тусгагдсан ажлуудаас хуульчийн үргэлжилсэн сургалтын чанар, хүртээмжийг дээшлүүлэх, видео контентийн тоог нэмэгдүүлэх, мэргэшсэн хуульч бэлтгэх зэрэг ажлын хүрээнд Азийн сантай хэрхэн хамтарч ажиллах боломжийн талаар харилцан санал солилцлоо.

        Мөн уулзалтаар Азийн сангийн зүгээс Хуульчдын холбоотой хамтран хэрэгжүүлж буй төслийн үр дүн, хэрэгжилтийн талаар сайшаагаад цаашид Холбооны зүгээс хэрэгжүүлэх ажилд хамтран ажиллах боломжтой тухай онцолсон юм.

            Уулзалтад Азийн сангийн төслийн менежер Г.Гантулга, Хуульчдын холбооны Тамгын газрын дарга Ш.Жолбарс, Судалгааны төвийн эрхлэгч Э.Алимаа, төслийн зохицуулагч Г.Сарангэрэл нар оролцов.