Монголын Хуульчдын холбооны Ерөнхийлөгч П.Одгэрэлийг Шүүхийн ерөнхий зөвлөлийн дарга Р.Онончимэг 2023 оны 01 дүгээр сарын 25-ны өдөр хүлээн авч уулзлаа. Тус уулзалтаар хуульчдын нийтлэг эрх, ашиг сонирхлыг хамгаалах, шүүхийн байгууллагын үйл ажиллагаа болон шүүхийн захиргааны ажилтныг дадлагажуулах зэрэг асуудлаар санал солилцсон.
Шүүхийн ерөнхий зөвлөл нь Монголын Хуульчдын холбоотой харилцан уялдаа холбоотой ажилласаар ирсэн бөгөөд цаашид мөн шүүгч, шүүхийн захиргааны ажилтны мэргэшил, ур чадварыг дээшлүүлэх сургалт, хэлэлцүүлэг зохион байгуулах, иргэдийн шүүхэд итгэх итгэлийг нэмэгдүүлэх чиглэлээр төлөвлөгөө гарган ажиллахаар хэлэлцэв. Уулзалтад Шүүхийн ерөнхий зөвлөлийн гишүүн Э.Зоригтбаатар, Хуульчдын холбооны Тамгын газрын дарга Ш.Жолбарс, мэргэжилтэн Ч.Анужин нар оролцов.
.
