Монголын Хуульчдын холбоо, Азийн сан хамтран хэрэгжүүлж буй “Залуу хуульчдыг чадавхжуулах замаар Монгол Улын шүүх эрх мэдлийн тогтолцоог бэхжүүлэх нь” төслийн хүрээнд “Менторшип” хөтөлбөр гурав дахь жилдээ хэрэгжиж эхэллээ.

 “Менторшип” хөтөлбөр нь мэргэжлээрээ 10-аас дээш жил ажиллаж байгаа, ажил мэргэжлийн туршлагатай, нийгэм болон салбартаа эерэгээр танигдсан хуульчдад залуу хуульчдыг дагалдуудах замаар өөртөө итгэлтэй, ёс зүйтэй хуульч бэлтгэх, өөрийгөө хөгжүүлэхэд нь туслах, дэмжих,  чиглүүлэх зорилготой цогц хөтөлбөр юм.

  Энэ удаагийн хөтөлбөрт нийт 10 ментор, 30 менти хамрагдах бөгөөд таван сарын хугацаанд хэрэгжих юм. Хөтөлбөрийн чиглүүлэгч буюу менторуудаар дараах хуульчид сонгогдоод байна.

1. Нийслэлийн Иргэний хэргийн давж заалдах шатны шүүхийн шүүгч Э.Энэбиш;
2. Захиргааны хэргийн давж заалдах шатны шүүхийн шүүгч С.Мөнхжаргал;
3. УЕПГ-ын дэргэдэх Сургалт, судалгааны хүрээлэнгийн хяналтын прокурор Б.Өнөрмаа;
4. УЕПГ-ын дэргэдэх Сургалт, судалгааны хүрээлэнгийн сургагч багш, прокурор Ц.Мөнхбат;
5. УЕПГ-ын дэргэдэх Сургалт, судалгааны хүрээлэнгийн Судалгааны албаны дарга, ахлах прокурор Б.Мөнхдорж;
6. Хууль зүйн туслалцааны төвийн захирал В.Оюумаа;
7. Япон Монголын хамтарсан “НУБИА” ХХК-ны хуулийн зөвлөх Ц.Өрнөндэлгэр;
8. “Fom partners” ХХН-ийн гүйцэтгэх захирал, Менторшип хөтөлбөрийн санаачлагч Б.Баттуул;
9. “Anderson and Anderson” ХХН-д партнер, арбитрч Х.Наранбулаг;
10. “Кeystone legal” ХХК хуулийн фирмийн үүсгэн байгуулагч, гүйцэтгэх захирал А.Мандуул.