Монголын Хуульчдын холбоо, Монголын Татварын Мэргэшсэн Зөвлөхийн нийгэмлэг 2023 оны гуравдугаар 01-ний өдөр Хамтын ажиллагааны санамж бичиг байгуулж хамтын ажиллагааны санамж бичгийн хүрээнд 2023 онд хэрэгжүүлэх ажлын төлөвлөгөөг баталлаа. Хуульчдын холбооны Ерөнхийлөгч П.Одгэрэл, Монголын Татварын Мэргэшсэн Зөвлөхийн нийгэмлэгийн Ерөнхийлөгч Г.Алтанзаяа нар гарын үсэг зурж баталгаажуулсан бөгөөд ёслолын ажиллагаанд Монголын Татварын Мэргэшсэн Зөвлөхийн нийгэмлэгийн Тамгын газрын дарга Г. Хишигзул, сургалтын менежер О.Батсүх, МХХ-ны Тамгын газрын дарга Ш.Жолбарс, судалгааны төвийн эрхлэгч Э.Алимаа, мэргэжилтэн Ч.Анужин нар оролцов.

     Санамж бичгийн хүрээнд хоёр байгууллага бүх талын хамтын ажиллагаагаа өргөжүүлэх, харилцан туслалцаа үзүүлэх, хууль, татвар, санхүүтэй холбоотой сургалт, судалгаа хийх, холбогдох хууль тогтоомжийн хэрэгжилтэд тулгарч буй асуудлыг хамтран судлах, хэлэлцүүлэх, эрдэм шинжилгээний хурал зохион байгуулах, санал, зөвлөмж гаргах, холбогдох байгууллагад хүргүүлэх үйл ажиллагааг хэрэгжүүлнэ. 

     Монголын Хуульчдын холбоо нь Хуульчийн эрх зүйн байдлын тухай хуулийн 32 дугаар зүйлд заасан мэргэшсэн хуульчийг бэлтгэх ажлын хүрээнд  Монголын Татварын Мэргэшсэн Зөвлөхийн нийгэмлэгтэй хамтран татварын мэргэшсэн хуульч бэлтгэх сертификаттай сургалтыг 2023 оны 4 сард зохион байгуулахаар төлөвлөж байна.