Монголын Хуульчдын холбоо, Цагдаагийн Ерөнхий газар хамтран ажиллах санамж бичгийг 2023 оны гуравдугаар сарын 09-ний өдөр байгууллаа. Санамж бичгийн хүрээнд гэрч, хохирогч, иргэдэд хууль зүйн туслалцаа үзүүлэх, хуульчийн үргэлжилсэн сургалт хамтран зохион байгуулах, судалгаа хийх, төсөл, хөтөлбөр хэрэгжүүлэх, эрдэм шинжилгээ, онол, практикийн бүтээл хамтран туурвих, хуульчдын эрх, хууль ёсны ашиг сонирхлыг хамгаалах, үйл ажиллагаанд дэмжлэг үзүүлэх чиглэлээр хамтран ажиллах юм.  

     Санамж бичигт Монголын Хуульчдын холбооны Ерөнхийлөгч П.Одгэрэл, Цагдаагийн Ерөнхий газрын Гэрч, хохирогчийг хамгаалах хэлтсийн дарга, Цагдаагийн хурандаа Б.Буянтөр нар гарын үсэг зурж баталгаажуулсан бөгөөд ёслолын ажиллагаанд ЦЕГ-н Тасгийн дарга, цагдаагийн хошууч Н.Мөнхбат, МХХ-ны Тамгын газрын дарга Ш.Жолбарс, Эрүүгийн эрх зүйн хорооны тэргүүн Г.Оюунболд, Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хорооны тэргүүн Р.Булгамаа, Хуульчийн нийтэд тустай мэргэжлийн үйл ажиллагаа эрхэлсэн хорооны тэргүүн Г.Цагаанбаяр нар байлцлаа.