Уулзалт, ярилцлагын сэдэв:
Монголын Хуульчдын холбооноос 2023 оны “Хуульчдын нэр хүндийг өсгөх, хууль ёсны ашиг сонирхлыг хамгаалах” жил болгохоор төлөвлөн ажиллаж байгаа билээ. Энэ ажлын хүрээнд Монголын Хуульчдын холбооны урилгаар Канад Улсын Нью Брансвик мужийн Давж заалдах шатны шүүхийн Ерөнхий шүүгч Марк Ричард хуульчидтай хууль зүйн салбарт тулгамдаж буй дараах хоёр сэдвийн хүрээнд чөлөөт ярилцлага өрнүүлж Канад Улсын болон өөрийн сайн туршлагаас хуваалцахаар боллоо.
"Хуульчид мэргэжлийн нэр хүнд, хууль ёсны ашиг сонирхолоо хамгаалах нь: мэргэжлийн байгууллага болон хувь хүний оролцоо ба хандлага”
Энэ хэсэгт Ерөнхий шүүгч Ричард хуульчдын хууль ёсны ашиг сонирхол, мэргэжлийн нэр хүндийг хамгаалахын ач холбогдлын талаар ярилцах бөгөөд өндөр ёс зүйтэй, хүчирхэг хуульчдыг төлөвшүүлэхэд мэргэжлийн байгууллагын болон хувь хуульчийн үүрэг хариуцлага, тэр дундаа бүх хуульчдыг эгнээндээ нэгтгэсэн Хуульчдын холбооны үүрэг, оролцоо болон Канад Улсын сайн туршлагуудын талаар хуульчидтай санал солилцох юм.
“Хуульчдын өмнө шинэ тутам тулгарч буй ёс зүйн асуудал”
Орчин үеийн хууль эрх зүйн орчин нь мэргэжлийн үйл ажиллагаа явуулж байгаа хуульчдад ёс зүйн өвөрмөц шинэ сорилтуудыг бий болгож байна. Ерөнхий шүүгч Ричард шинэ тутам тулгарч буй ёс зүйн асуудлуудыг хамгийн өндөр ёс зүйн стандартыг баримтлан хэрхэн шийдвэрлэх талаар өөрийн үзэл бодлоо хуваалцах болно.
Монголын Хуульчдын холбооны гишүүн хуульчдыг энэхүү сонирхолтой чөлөөт ярилцлага бүхий арга хэмжээнд хүрэлцэн ирэхийг урьж байна.
Арга хэмжээнд оролцохыг хүсвэл ЭНД дарж бүртгүүлнэ үү.
