Монголын Хуульчдын холбооноос 2023 оны “Хуульчдын нэр хүндийг өсгөх, хууль ёсны ашиг сонирхлыг хамгаалах” жил болгохоор төлөвлөн ажиллаж байгаа билээ. Энэ ажлын хүрээнд Монголын Хуульчдын холбооны урилгаар Канад Улсын Нью Брансвик мужийн Давж заалдах шатны шүүхийн Ерөнхий шүүгч Марк Ричард хуульчид мэргэжлийн нэр хүнд, хууль ёсны ашиг сонирхлоо хамгаалах болон хуульчдын өмнө шинэ тутам тулгарч буй ёс зүйн асуудал сэдвийн хүрээнд чөлөөт уулзалт ярилцлага хийлээ.
Ерөнхий шүүгч Марк Ричард сэдвийн хүрээнд Канад Улсын болон өөрийн сайн туршлагаас хуваалцсан бөгөөд энэхүү арга хэмжээнд хуульч, өмгөөлөгч, прокурор, шүүгчид зэрэг салбар салбарын төлөөлөл оролцлоо.
