I. Удиртгал 
II. Олон улсын гэрээ ба Үндсэн хуулийн үзэл баримтлал 
III. Дотоодын шүүхээс олон улсын гэрээг хэрэглэх үндэслэл, шаардлага, хэрэгцээ 
IV. Дүгнэлт

[ТОВЧ УТГА] 

Монгол Улс 1961 онд НҮБ-ын гишүүн болж бүрэн эрхт байдлаа олон улсын тавцанд баталгаажуулснаас хойш 60 гаруй жил өнгөрлөө. Энэ цаг хугацаанаас хойш бид Үндсэн хуулиа шинэчлэн баталж хувийн өмчид тулгуурласан нийгмийн баримжааг сонгоод 30 гаруй жил болсон байна. Аливаа улсын нэн тэргүүнд тавигдах зорилго бол үндэсний тусгаар тогтнол, аюулгүй байдлаа бататган бэхжүүлэх бөгөөд үүний томоохон тулгуур хүчин зүйл бол эдийн засгийн аюулгүй байдал, түүнийг илтгэх улсын санхүүгийн тогтвортой байдал юм. Манай улсын хувьд сүүлийн 20 гаруй жилд улсын санхүү, эдийн засгийн нөхцөл байдлаа сайжруулах, нийгмийн нэн тэргүүний суурь хэрэгцээг хангах зорилгоор гадаад харилцааг олон талт болгох, дэлхийн худалдааны тавцанд шат ахих, улс орнуудтай эн зэрэгцэн хамтран харилцах, гаалийн бүрдүүлэлт, тарифыг хөнгөвчлөх, уул уурхайн бүтээгдэхүүнийг экспортлох, байгаалийн баялгийг ашиглахад чиглэсэн эдийн засгийн бодлого явуулж эрх зүйн орчноо гадна, дотны хөрөнгө оруулагчдад таатай байхад анхаарч ирсэн бөгөөд гадаад, дотоодын хөрөнгө оруулагч нарын хувьд хууль тогтоомж тогтвортой байх, ялангуяа хөрөнгө оруулалтын өгөөжийг тогтвортой байлгахад татварын орчны тогтвортой байдлыг хүсэж байдаг нь ойлгомжтой, тодорхой болоод байна. Хөрөнгө оруулалт, эдийн засгийн суурь орчин нь олон хүчин зүйлээс хамаарах бөгөөд энэ олон хүчин зүйлийг харгалзан хууль тогтоомжийг бүтээж, тохируулж баялаг бүтээгч нарыг хамгаалахгүйгээр эдийн засгийн таатай нөхцөл бүрдэж улмаар улсын эдийн засгийн байдал, санхүүгийн урсгал сайжрахгүй юм. Энэ хүрээнд үндэсний эрх зүйн тогтолцоог нөхөн сайжруулах боломжтой гэж үзэж болохуйц олон улсын гэрээг судлах, олон улсын гэрээгээр тунхаглаж тодорхойлсон хүний эрх, эрх чөлөөг бататган хамгаалж шүүхээс шаардлагатай бол түүнийг хэрэглэх, хөндөгдсөн эрхийг сэргээх асуудал одоо цагт ч чухал хэвээр байна үзсэний учир 2007 онд бичиж байсан сэдвийг сэргээн нийтэлж байна. 

[ТҮЛХҮҮР ҮГС]

Олон улсын гэрээ, дотоодын шүүх.