Монголын Хуульчдын холбоо болон МУИС-ийн Хууль зүйн сургуулийн Практик сургалтын төвөөс хамтран Хууль зүйн сургуулиудын клиник төвийн уулзалт 2024 оны 02 дугаар сарын 01-ний өдөр зохион байгууллаа.

Тус уулзалтаар Монголын Хуульчдын холбооны Ерөнхийлөгч доктор, профессор П.Одгэрэл, Монгол Улсын дээд шүүхийн шүүгч Ц.Цогт, Хууль зүйн Клиник нийгэмлэгийн тэргүүн Н.Туяа, Хууль зүйн сургуулийн Практик сургалтын төвийн эрхлэгч С.Болормаа, Хуульчийн нийтэд тустай мэргэжлийн үйл ажиллагаа эрхлэх хорооны удирдах зөвлөлийн гишүүн Л.Энхсайхан мэдээлэл танилцуулга хийлээ.

Уулзалтаар Хууль зүйн сургуулиудын клиник төвүүдийн хамтын ажиллагааг өргөжүүлэн клиник сүлжээг бий болгох мөн цаашдын хамтын ажиллагааны талаар ярилцан мэдээлэл солилцлоо.

Уулзалтад Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хороо, Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хороо, Хууль зүйн шинжлэх ухаан, боловсролын хөгжлийг дэмжих хороо, Сургалтын хороодын тэргүүн, удирдах зөвлөлийн гишүүд болон Сити их сургууль, Шихихутуг их сургууль, Орхон их сургууль, Олон Улсын Улаанбаатар их сургууль, Идэр их сургууль, Боловсрол Соёл эрх зүйн дээд сургууль, Их засаг их сургууль, Глобал удирдагч их сургууль, Санхүү эдийн засгийн их сургууль, Чингис-Соосэ их сургуулиудын багш нарын төлөөлөл оролцлоо.

МОНГОЛЫН ХУУЛЬЧДЫН ХОЛБОО