Монгол Улсад Захиргааны хэргийн шүүх байгуулагдсаны 20 жилийн ойд зориулсан “MOCK TRIAL-ЗХШ 20 ЖИЛ” шүүхийн мэтгэлцээний тэмцээний анхдугаар техникийн зөвлөгөөнийг 2024 оны 02 дугаар сарын 28-ны өдөр зохион байгууллаа. Тус тэмцээнд оролцох хүсэл зоригоо илэрхийлсэн 15-н хууль зүйн их, дээд сургуулийн 75 оюутан оролцохоор мэдүүлгээ ирүүлсэн. Тэмцээнийг зохион байгуулах ажлын хэсгээс 2024 оны 02 сарын 23-ны өдөр удирдамжид заасан журмын дагуу санамсаргүй сонголтын аргаар оюутнуудыг 16 багт хуваасан байсан.
Өнөөдөр болсон мэтгэлцээний тэмцээний анхдугаар техникийн зөвлөгөөнөөр хамтран зохион байгуулагч 16 хуулийн фирм өөрсдийн дасгалжуулах багаа сугалсан. Хуулийн фирмүүдийн багаа сугалах дарааллыг мөн санамсаргүй сонголтын аргаар буюу цахим хүрд эргүүлэн тодорхойлсон бөгөөд хамгийн анх багаа сугалсан хуулийн фирмээр “Өмгөөллийн Сноу Хилл консалтанси” ХХН тодорсон. Хуулийн фирмүүд багаа сугалж, сугалсан багийн оюутнууддаа мэтгэлцээний тэмцээнд оролцох эрхийг гэрчилсэн мандатаа гардуулж өглөө.
Анхдугаар техникийн зөвлөгөөнөөр мөн мэтгэлцээний тэмцээний дүрмийг танилцууллаа.
Дараагийн техникийн зөвлөгөөн 2024 оны 03 сарын 06-ны өдөр Монголын Хуульчдын холбооны Хуульчдын танхимд болно. Техникийн зөвлөгөөнөөр тэмцээнийг кэйсийг задлах бөгөөд мөн багууд тоглох оноолтоо сугалах болно.
Энэхүү сонирхолтой хэлбэрээр өрнөх Монгол Улсад Захиргааны хэргийн шүүх байгуулагдсаны 20 жилийн ойд зориулсан “MOCK TRIAL-ЗХШ 20 ЖИЛ” шүүхийн мэтгэлцээний тэмцээнд оролцогч оюутнууд болон тэднийг дасгалжуулах хуулийн фирмүүддээ амжилт хүсэн ерөөе.
