2024 оны гуравдугаар сарын 20-ны өдөр Монголын Хуульчдын холбооны Ерөнхийлөгч П.Одгэрэл,  Монголын Олон улсын ба үндэсний Спортын арбитрын Ерөнхийлөгч Г.Батзаяа нар хамтран ажиллах санамж бичигт гарын үсэг зурж, цаашид хийж хэрэгжүүлэх, ажлын төлөвлөгөө, чиглэлийн талаар ярилцлаа.

Санамж бичгийн хүрээнд бүх талын хамтын ажиллагааг өргөжүүлэх, харилцан туслалцаа үзүүлэх, мэдээлэл солилцох, сургалт, судалгаа, эрдэм шинжилгээний чиглэлээр хамтран ажиллах, хэлэлцүүлэг зохион байгуулах, спортын арбитрын болон хүний эрхийг хангах чиглэлээр хуульч, судлаачдыг чадавхжуулж, мэргэшүүлэх чиглэлээр хамтран ажиллахаар болов.

Тус арга хэмжээнд Монголын Хуульчдын холбооны Тамгын газрын дарга Ш.Жолбарс, Эвлэрүүлэн зуучлалыг дэмжих асуудал эрхэлсэн хорооны тэргүүн Д.Түмэнжаргал, ЭЗДАЭХ-ны Удирдах зөвлөлийн гишүүн Ц.Амарсанаа, Г.Халиун, Э.Цолмон, Монголын Олон улсын ба үндэсний Спортын арбитрын Ерөнхий нарийн бичгийн дарга Б.Алтаншагай, Нарийн бичгийн дарга Г.Мишээлт нар оролцов.