Монгол Улсын Засгийн газрын 2022 оны 265 дугаар тогтоолоор баталсан “Мөнгө угаах, терроризмыг санхүүжүүлэхтэй тэмцэх хөтөлбөр”-ийг үр дүнтэй хэрэгжүүлэх хүрээнд Мөнгө угаах, терроризмыг санхүүжүүлэхтэй тэмцэх үндэсний зөвлөлийн дарга бөгөөд Хууль зүй, дотоод хэргийн сайдын 2023 оны А/04 дүгээр тушаалаар “Мөнгө угаах, терроризмыг санхүүжүүлэхтэй тэмцэх хөтөлбөрийг хэрэгжүүлэх арга хэмжээний төлөвлөгөө”-г баталсан. Тус төлөвлөгөөний зорилт 1.2-ын 9 дэх хэсэгт траст болон компанийн үйлчилгээ үзүүлэгчдийн эрсдэлийг үнэлэх ажлыг гүйцэтгэхээр тусгасан. Үүнд нийцүүлэн Санхүүгийн хориг арга хэмжээ авах байгууллага(ФАТФ)-ын тодорхойлолтод заасан траст болон компанийн үйлчилгээ үзүүлэгчдийн талаар дэлгэрэнгүй судалгаа хийж байгаа бөгөөд Санхүүгийн зохицуулах хорооноос Монгол Улс дахь траст болон компани, түүнтэй төстэй төрлийн үйлчилгээний практик нөхцөл байдлын судалгааг хийх, холбогдох дата мэдээллийг цуглуулах асуулгыг боловсруулж Хуульчдын холбооны нийт гишүүн хуульчдыг хамруулсан судалгаа авч байна.

   Иймд Хуульч Та Хуульчийн эрх зүйн байдлын тухай хууль болон Мөнгө угаах, терроризмыг санхүүжүүлэхтэй тэмцэх тухай хуульд заасны дагуу мэдүүлэх үүрэгтэй этгээд бөгөөд энэхүү үүргийн хэрэгжилтийг үр дүнтэй болгох зорилгоор https://forms.gle/bvyFDnHPp42Hko1t5 холбоосоор орж 2024 оны 11 дүгээр сарын 04-ний өдрөөс өмнө судалгаанд хамрагдана уу.