Монголын Хуульчдын холбооны Ерөнхийлөгч П.Одгэрэл, Засгийн газрын хяналт хэрэгжүүлэх газрын дарга Ч.Өнөрбаяр нар 2025 оны нэгдүгээр сарын 20-ны өдөр хамтран ажиллах санамж бичигт гарын үсэг зурж баталгаажууллаа.

Тус ёслолын ажиллагаанд Монголын Хуульчдын холбооны Тамгын газрын дарга Ш.Жолбарс, Зөвлөлийн гишүүн, Эдийн засгийн эрх зүйн хорооны Тэргүүн Б.Баасандорж, Судалгааны төвийн эрхлэгч Ц.Одонжав, судлаач Г.Оюунболд, ЗГХХГ-ын Тамгын газрын дарга Г.Бүүвэйхүү, Хууль, эрх зүйн газрын дарга Б.Аз, Үнэлгээ, мониторингийн газрын дарга Д.Үүрийнтуяа, Тандалт судалгаа, бодлого төлөвлөлтийн газрын дарга Н.Баярмаа, Хяналт шалгалтын газрын дарга Б.Ундраа, Дотоод хяналт Аудитын газрын дарга С.Жамъяансүрэн нар оролцсон.

Санамж бичгийн хүрээнд талууд Засгийн газрын хяналт хэрэгжүүлэх газар болон төрийн байгууллагуудын үйл ажиллагаатай холбоотой хууль тогтоомжийг боловсронгуй болгох, хамтарсан судалгаа хийх, сургалт, хэлэлцүүлэг зохион байгуулах чиглэлээр хамтран ажиллах юм.

Ёслолын ажиллагааны дараа Монголын Хуульчдын холбооны Тамгын газрын дарга Ш.Жолбарс, ЗГХХГ-ын Хууль, эрх зүйн газрын дарга Б.Аз нар цаашид хэрэгжүүлэх үйл ажиллагааны талаар санал солилцсон бөгөөд 2025 онд хэрэгжүүлэх ажлын төлөвлөгөө гаргахаар тохиролцлоо.