Өмнөговь аймагт "Хуульчийн про боно 2025” өдөрлөгийг 2025 оны 05 дугаар сарын 01-ний өдөр зохион байгууллаа. Өдөрлөгийг аймгийн Засаг даргын Тамгын газрын Хууль, эрх зүйн хэлтэс, Хууль зүй, дотоод хэргийн сайдын эрхлэх асуудлын хүрээний агентлагууд болон Монголын хуульчдын холбооны Өмнөговь аймаг дахь салбар, Өмгөөлөгчдийн зөвлөл, Хүний эрхийн Үндэсний комиссын орон нутаг дахь референт, Газрын харилцаа, барилга, хот байгуулалтын газар хамтран зохион байгуулав.

Өдөрлөгийн хүрээнд хуульчийн хувьд бусдаас хөлс авахгүйгээр нийтийн эрх, хууль ёсны ашиг сонирхлыг хамгаалах, хууль зүйн туслалцаа үзүүлэх, иргэний эрх зүйн боловсролыг дээшлүүлэх ажлын чиглэлээр төрийн үйлчилгээний 10 байгууллага нийт 360 гаруй алба хаагч, иргэдэд үйлчилгээг үзүүлж ажиллалаа. Энэ жилийн өдөрлөгөөр Төрийн үйлчилгээний "Явуулын оффис"-той хамтран ажилласан нь онцлог боллоо.