Монголын Хуульчдын холбоо нь “Орфей” театртай хамтран ажиллах санамж бичиг байгуулж, санамж бичигт Монголын Хуульчдын холбооны Тамгын газрын дарга Ш.Жолбарс, “Орфей” театрын Гүйцэтгэх захирал Т.Ариунчимэг нар гарын үсэг зурж баталгаажууллаа.

Санамж бичгийн хүрээнд “Орфей” театрын 5 жилийн ойн хүрээнд зохион байгуулагдаж буй сонгодог жүжгийн тоглолтуудад хамтран ажиллах, харилцан дэмжлэг үзүүлэх юм. Тодруулбал, Монголын Хуульчдын холбооны гишүүн хуульчид нь тус театрт тоглогдож буй “1984”,  “Опал”, “Гэм зэм”,  “Фауст”, “Амьдрахуй” болон бусад жүжгүүдийн тасалбарыг нийтэд худалдан борлуулах үнээс тодорхой хувиар хөнгөлөлттэй авах боломж бүрдэж байгаа бөгөөд хөнгөлөх хувийг жүжгийн тасалбар худалдаанд гарах үеэр харилцан тохиролцож тогтоох юм.

Одоогоор тус театрт Жорж Оруэллийн “1984” постдрамын жүжиг тоглогдож байгаа бөгөөд хуульчид та бүхнийг 2025 оны тавдугаар сарын 7, 8, 9 өдрүүдийн тоглолтыг хөнгөлөлттэй үнээр үзэхийг урьж байна.

Жорж Оурэлл “1984” постдрамын жүжиг

Дүрүүдэд:

Уинстон Смит - МУГЖ С.Болд-Эрдэнэ

Жулия - МУГЖ Д.Ганцэцэг

О'Брайн - МУГЖ Ц.Төмөрхуяг

Чаррингтон - МУАЖ Г.Равдан

Ноён Парсонс - Б.Оюунбаатар

Хатагтай Парсонс - МУСТА П.Оюунчимэг

Сайм - М.Мөнхбат

📍ХААНА: Тусгаар тогтнолын ордонд

 📌ХЭЗЭЭ: 2025 оны тавдугаар сарын 2-ны өдрөөс

 ☎️ ХОЛБОГДОХ УТАС: 80025742

Тус жүжгийг хөнгөлөлттэй үнээр үзэх бол та ЭНД дарж бүртгүүлнэ үү.